გერმანიაში მატულობს კრიტიკა ორგანიზაცია „უკანასკნელი თაობის“ ქმედებების მიმართ

გერმანიაში მატულობს კრიტიკა ორგანიზაცია „უკანასკნელი თაობის“ ქმედებების მიმართ

გერმანიაში იზრდება კრიტიკა ორგანიზაციის „ბოლო თაობის“ გარემოსდაცვითი და კლიმატის აქტივისტების წინააღმდეგ, რომელთა ქმედებებმა გამოიწვია როგორც სახმელეთო, ასევე საჰაერო მიმოსვლის შეფერხება.

ტრანსპორტის ფედერალურმა მინისტრმა ვოლკერ ვისინგმა გაზეთ "General-Anzeiger"-ს განუცხადა: "ის, რაც „ბოლო თაობა“-მ ჩაიდინა, არის კანონის დანაშაულებრივი დარღვევა. ეს ყველაფერი მთლიანად მოსახლეობაზე ზეწოლაა, მიუღებელია და უნდა დაისაჯოს უმკაცრესად“.

ბავარიის შინაგან საქმეთა მინისტრმა, იოაჰიმ ჰერმანმა, კლიმატის აქტივისტების ბოლოდროინდელი ქმედებები აღწერა, როგორც ფანატიკური, დაუფიქრებელი, ძალიან არადემოკრატიული და სოციალურად გამყოფი.

ჰერმანმა, რომელიც მოითხოვდა ქვეყნის მასშტაბით კოორდინირებულ მოქმედებას აქტივისტების წინააღმდეგ, განაცხადა, რომ ის ამ საკითხს დააყენებს შეხვედრაზე, რომელსაც დაესწრება 16 რეგიონის შინაგან საქმეთა მინისტრი.

”რაც ნაკლებია გავლენა, მით ნაკლებია ბრაზი ხალხში”, - თქვა ჰერმანმა, რომელიც მოითხოვდა სწრაფ რეაგირებას საპროტესტო აქციებზე.

გერმანიის პოლიციის კავშირის (GdP) პრეზიდენტმა იოხენ კოპელკემ ასევე დაადანაშაულა აქტივისტები ფანატიზმში და გამოთქვა მოსაზრება, რომ პროტესტის წინააღმდეგ ეფექტური ზომების მიღების მიზნით ჭკვიანური იქნება  კოორდინირებულ მიდგომა მთელი ქვეყნის მასშტაბით.

"უკანასკნელი თაობა განაწყობს ხალხს მათ წინააღმდეგ. ჯგუფის მზარდი ფანატიზმი დიდ შეშფოთებას იწვევს". - თქვა კოპელკემ.

„ადამიანთა ყოველდღიური ცხოვრების საბოტაჟი პოლიტიკურად მცდარია და კონტრპროდუქტიულია კლიმატის კრიზისის დასაძლევად“. - დაწერა მწვანეთა დეპუტატმა კონსტანტინ ფონ ნოცმა Twitter-ზე.

გასულ კვირას აქტივისტებმა დაიკავეს ჰამბურგისა და დიუსელდორფის აეროპორტების დასაფრენი და ასაფრენი ბილიკები, რამაც შეაფერხა საჰაერო მიმოსვლა და ათასობით დამსვენებელი დააზარალა. „ბოლო თაობი“-ს წევრებმა კვლავ შეაფერხეს მოძრაობა გერმანიის სხვადასხვა ქალაქების მნიშვნელოვან პუნქტებზე ბარიკადების მოწყობით.