ბაიდენი ნატოს გენერალურ მდივანს სტოლტენბერგს შეხვდება

აშშ-ის პრეზიდენტი ჯო ბაიდენი მომავალ კვირას თეთრ სახლში ნატოს გენერალურ მდივანს სტოლტენბერგს უმასპინძლებს.

წერილობით განცხადებაში თეთრი სახლის სპიკერმა კარინე ჟან-პიერმა განაცხადა, რომ ბაიდენი 12 ივნისს ნატოს გენერალურ მდივანს სტოლტენბერგს უმასპინძლებს.

ჟან-პიერმა აღნიშნა, რომ ბაიდენი და სტოლტენბერგი განიხილავენ მომავალ თვეში ვილნიუსის სამიტის მომზადებას  და ნატოს მოკავშირეების ძალისხმევას ორგანიზაციის შემაკავებელი ძალის და თავდაცვის შემდგომი გაძლიერების, ასევე პარტნიორობის გაღრმავების მიზნით.

ჟან-პიერმა განაცხადა, რომ ბაიდენი და სტოლტენბერგი ასევე განიხილავენ ნატოს მოკავშირეების უკრაინის მხარდაჭერის საკითხს.