პალ ჯონსონი ნატოში გაწევრიანებასთან დაკავშირებით განცხადებას აკეთებს

შვედეთის თავდაცვის მინისტრმა პალ ჯონსონმა განაცხადა, რომ მისი ქვეყნის მთავარი პრიორიტეტი ნატოში სრულუფლებიანი გაწევრიანებაა.

ჯონსონმა ტოკიოში, თავის იაპონელ კოლეგასთან გასამართი შეხვედრის წინ პრესკონფერენცია გამართა.

პალ ჯონსონმა აღნიშნა, რომ ნატოს სამიტამდე, რომელიც 11-12 ივლისს, ლიეტუვის დედაქალაქ   ვილნიუსში გაიმართება, ისინი  ალიანსში გაწევრიანებას იმედოვნებენ. „შვედეთის მთავრობის მთავარი პრიორიტეტია გახდეს ნატოს სრულუფლებიანი წევრი. რაც შეიძლება მალე“, განაცხადა ჯონსონმა.

ჯონსონმა განაცხადა, რომ ისინი პატივს სცემენ თურქეთისა და უნგრეთის გადაწყვეტილებას და რომ მათ მიიღეს ახალი ანტიტერორისტული კანონები, რომლებიც დააკმაყოფილებს თურქეთის შეშფოთებას. ჯონსონმა თქვა: „ჩვენ ვფიქრობთ, რომ შვედეთის ნატოში სრულუფლებიანი წევრობით, ალიანსის ჩრდილოეთ ფრთა გაძლიერდება“.

შვედეთის თავდაცვის მინისტრმა ასევე აღნიშნა, რომ ისინი გააგრძელებენ უკრაინის იარაღით მხარდაჭერას და ეს მათთვის მნიშვნელოვანია. ჯონსონმა განაცხადა, რომ რუსეთის გამარჯვება უკრაინის ომში შეიძლება დამღუპველი იყოს შვედეთისთვის და ევროპის უსაფრთხოების პოლიტიკისთვის.