რა საკითხები განიხილება ნატოს მინისტერიალზე?

ჩრდილო ატლანტიკური ალიანსის (ნატო) წევრი ქვეყნების საგარეო საქმეთა მინისტრები შეიკრიბნენ იმ საკითხების განსახილველად, როგორიცაა რუსეთთან ომში მყოფი უკრაინის მხარდაჭერის გაგრძელება, აზია-წყნარი ოკეანის ვითარება და თავდაცვის ხარჯები.

შეკრება, ბელგიის დედაქალაქ ბრიუსელში ნატოს შტაბ-ბინაში მიმდინარეობს, რომელსაც შვედეთიც ესწრება, როგორც სტუმარი ქვეყანა.

სამიტის გახსნაზე სიტყვით გამოსვლისას, გენერალურმა მდივანმა იენს სტოლტენბერგმა განაცხადა, რომ რუსეთი ემზადება მეტი ომებისთვის და რომ უკრაინას უნდა მიეცეს ყველაფერი, რაც მას სჭირდება ბრძოლის ველზე.

სტოლტენბერგმა ასევე განაცხადა, რომ ნატო გააგრძელებს სხვა პარტნიორების, მოლდოვას, საქართველოსა და ბოსნია-ჰერცეგოვინას მხარდაჭერას რუსული ზეწოლის წინააღმდეგ.

თავის მხრივ, ნატოს საგარეო საქმეთა მინისტრები ასევე შეხვდებიან ავსტრალიის, ახალი ზელანდიის, იაპონიის და სამხრეთ კორეის საგარეო საქმეთა მინისტრებს, რათა განიხილონ აზია-წყნარი ოკეანის ვითარება.