ნიდერლანდებში სამგზავრო მატარებელი სატვირთო მატარებელს შეეჯახა

ნიდერლანდების სამხრეთით სამგზავრო მატარებელი სატვირთო მატარებელზე შეეჯახა, რის შედეგადაც იგი რელსებიდან გადავიდა. ადგილობრივი მედიის ცნობით, მომხდარი უბედური შემთხვევის შედეგად დაიღუპა ერთი და დაშავდა 30 ადამიანი.

შემთხვევის შემდეგ, სასწრაფო დახმარების რამდენიმე ჯგუფი გადამისამართდა ქალაქების ჰააგასა და ამსტერდამს შორის მდებარე სოფელ ვოორშოტენში.

ნიდერლანდების რკინიგზამ (NS) განაცხადა, რომ მატარებელში 50 მგზავრი იმყოფებოდა.

გავრცელებული ინფორმაციით, დაშავებულთა ნაწილს ადგილზე  აღმოუჩინეს დახმარება, ნაწილი კი საავადმყოფოში გადაიყვანეს.

სარკინიგზო ავარიის შედმეგ მატარებლის მიმოსვლა ლეიდენსა და ჰააგას შორის შეჩერდა.