ეკვადორში მიწისძვრის შედეგად დაშავებულთა რიცხვი 494-მდე გაიზარდა

სამხრეთ ამერიკის ქვეყანა ეკვადორში 6,7 მაგნიტუდის მიწისძვრის შედეგად დაშავებულთა რიცხვი 494-მდე გაიზარდა.

ეკვადორის პრეზიდენტის ვებგვერდზე გაკეთებულ განცხადებაში ქალაქ ბალაოს ჩრდილო-აღმოსავლეთით 6 კილომეტრში მომხდარი 6,7 მაგნიტუდის სიმძლავრის მიწისძვრის შესახებ ნათქვამია, რომ დაშავებულთა რიცხვი 494-მდე გაიზარდა.

ეკვადორის რისკების მართვის სამდივნომ განაცხადა, რომ მიწისძვრის შემდეგ 96 სახლი მთლიანად დაინგრა და 325 სახლი დაზიანდა, მიწისძვრის შედეგად დაზარალებულთა რაოდენობამ კი 1500-ს გადააჭარბა.

18 მარტს მომხდარ მიწისძვრას 14 ადამიანი ემსხვერპლა.

მიწისძვრის ბიძგები მეზობელ პერუშიც იგრძნობოდა, სადაც ქალაქ ტუმბესში 4 წლის გოგონა დაიღუპა და 73 ადამიანი კი დაშავდა.

ეკვადორის პრეზიდენტმა გილერმო ლასომ 20 მარტს ერისადმი მიმართვაში აღნიშნა, რომ ქვეყნის მასშტაბით საგანგებო მდგომარეობა გამოცხადდა მიწისძვრის შედეგად დაზარალებულ რაიონებში უფრო ეფექტური ბრძოლისთვის.