საბერძნეთში არჩევნები მაისში ჩატარდება

საბერძნეთის პრემიერ-მინისტრმა კირიაკოს მიცოტაკისმა განაცხადა, რომ საპარლამენტო არჩევნები ქვეყანაში მაისში გაიმართება.

ბერძნულ ტელეკომპანია Alpha-სთან ინტერვიუს დროს მიცოტაკისმა დღის წესრიგთან დაკავშირებით შეფასებები გააკეთა.

მიცოტაკისმა აღნიშნა, რომ ახალი დემოკრატიის მთავრობას გადაწყვეტილი აქვს დაასრულოს თავისი ოთხწლიანი მანდატი. „მკაფიოდ შემიძლია გითხრათ, რომ არჩევნები ჩატარდება მაისში. ის არ გაიმართება ივლისში. ეს არ იქნება ივლისში, რადგან შეიძლება საჭირო გახდეს მეორე ტურიც, დიდი ალბათობით,“ განაცხადა პრემიერ-მინისტრმა.

მან ბოლოს ისიც აღნიშნა, რომ არ მოსწონს კოალიციური ვარიანტი და დაამატა: „მე პირადად გავაგრძელებ არჩევნების მეორე ტურის საჭიროების დაცვას. რადგანაც მმართველ ძალას შეუძლია მხოლოდ მეორე ტურის აღება და ეს არის სწორი გამოსავალი ქვეყნისთვის“.