გახანგრძლივდება თუ არა „მარცვლეულის შეთანხმება“?

უკრაინის პრეზიდენტმა ვოლოდიმირ ზელენსკიმ, გაეროს გენერალურ მდივანთან ანტონიო გუტერეშთან შეხვედრისას განაცხადა, რომ ისინი შეთანხმდნენ შავი ზღვის მარცვლეულის შეთანხმების გაგრძელებაზე, 18 მარტის შემდეგ.

ზელენსკი გუტერეშს დედაქალაქ კიევში შეხვდა, რის შემდეგაც მათ ერთობლივი პრესკონფერენცია გამართეს, რა დროსაც ზელენსკიმ განაცხადა, რომ რუსეთი აშანტაჟებს ზაპოროჟიეს ატომურ ელექტროსადგურს, რომელსაც ის აკონტროლებს უკრაინაში.

„ზაპოროჟიეს ატომური ელექტროსადგური უნდა დაუბრუნდეს უკრაინის სრულ კონტროლს. ეს არის გლობალური უსაფრთხოების საკითხი და არა მხოლოდ უკრაინის“, განაცხადა ზელენსკიმ.

ზელენსკიმ ასევე განაცხადა, რომ მათ გუტერეშთან განიხილეს შავი ზღვის მარცვლეულის ინიციატივის გაგრძელების საკითხი 18 მარტის შემდეგ და დაამატა: „დღეს ჩვენ შევთანხმდით, რომ შავი ზღვის მარცვლეულის შეთანხმების გაგრძელება 18 მარტის შემდეგ არის კრიტიკული საჭიროება მთელი მსოფლიოსთვის“.

გუტერეშმა კი პრესკონფერენციაზე კიდევ ერთხელ დაადანაშაულა რუსეთი უკრაინაზე თავდასხმაში და ხაზგასმით აღნიშნა, რომ როგორც გაერო, ისინი მხარს უჭერენ უკრაინის ტერიტორიულ მთლიანობასა და სუვერენიტეტს.

გუტერეშმა აღნიშნა, რომ შავი ზღვის მარცვლეულის შეთანხმების წყალობით, რომელიც გასულ წელს სტამბოლში გაფორმდა, 23 მილიონ ტონაზე მეტი მარცვლეული იქნა ექსპორტირებული უკრაინის პორტებიდან, გუტერეშმა თქვა: „შავი ზღვის მარცვლეულის შეთანხმებამ ხელი შეუწყო სურსათზე გლობალური ფასების შემცირებას და დაეხმარა ხალხს“.

მან ბოლოს ისიც დასძინა, რომ მარცვლეულის შეთანხმება, რომელსაც ვადა 18 მარტს ეწურება, მისი გახანგრძლივება აუცილებელია.