ევროპული ქვეყნები უკრაინას თავდაცვისუნარიანობის გაუმჯობესების მიზნით დახმარებას გაუწევენ

ევროპულმა ქვეყნებმა განაცხადეს, რომ უკრაინას 520 მილიონი ფუნტის (11,7 მილიარდი თურქული ლირა) სამხედრო დახმარებას გაუწევენ მისი თავდაცვისუნარიანობის გაუმჯობესების მიზნით.

ინგლისმა, ნიდერლანდებმა, ნორვეგიამ, შვედეთმა, დანიამ, ლიეტუვამ და ისლანდიამ განაცხადეს, რომ ისინი უზრუნველყოფენ სამხედრო დახმარებას 520 მილიონი ფუნტის (11,7 მილიარდი თურქული ლირა) ოდენობით, რომლის პირველი პაკეტი არის 200 მილიონი ფუნტი (4,5 მილიარდი თურქული ლირა) უკრაინის თავდაცვისუნარიანობის გასაუმჯობესებლად.

ბრიტანეთის თავდაცვის სამინისტროს განცხადებაში ნათქვამია, რომ აღნიშნულმა ქვეყნებმა გადაწყვიტეს უკრაინის საერთაშორისო ფონდის (IFU) ფარგლებში თავდაცვითი დახმარების გაწევა 520 მილიონი ფუნტის ოდენობით.

განცხადებაში აღნიშნულია, რომ ამ დახმარების პირველი პაკეტი მოიცავს სხვადასხვა საარტილერიო საბრძოლო მასალით, საზღვაო დაზვერვის, სადამკვირვებლო და სადაზვერვო პროდუქტებისა და უკრაინის მიერ უკვე გამოყენებული ტანკების სათადარიგო ნაწილებით მხარდაჭერას.

რუსეთის ჯარებმა უკრაინაზე შეტევა 24 თებერვალს დაიწყეს.