რუსეთმა კრასნაია გორაზე კონტროლი დაამყარა

რუსეთის თავდაცვის სამინისტრომ განაცხადა, რომ მათ, უკრაინის დონეცკის ოლქის კრასნაია გორას დასახლებაზე კონტროლი დაამყარეს. სამინისტროს პრესსპიკერმა იგორ კონაშენკოვმა რუსეთ-უკრაინის ომში რუსული სამხედრო ძალების ქმედებების შესახებ ბოლო ინფორმაცია გაავრცელა.

თავდაცვის სამინისტროს პრესსპიკერის თქმით, რუსეთის არმია აგრძელებს ბრძოლას უკრაინაში რა, კიდევ 300-ზე მეტი უკრაინელი ჯარისკაცი განეიტრალდა სხვადასხვა რეგიონში. მისივე თქმით, რუსეთის ძალებმა, უკრაინის კუთვნილი იარაღისა და სამხედრო ტექნიკის სარემონტო ცენტრი გაანადგურეს და დონეცკის სახალხო რესპუბლიკაში შემავალი კრასნაია გორას დასახლებაზე  კონტროლი დაამყარეს.

კონაშენკოვის თქმით, ბოლო 24 საათის განმავლობაში უკრაინის ძალების კუთვნილი 6 ამერიკული წარმოების სარაკეტო სისტემა HIMARS და 9 უპილოტო საფრენი აპარატიც გაანეიტრალეს.