ტოყაევმა ყაზახეთში პარლამენტი დაითხოვა

ყაზახეთის პრეზიდენტმა ყასიმ-ჟომარტ ტოყაევმა 19 მარტს ხელი მოაწერა ბრძანებულებას პარლამენტის დათხოვნისა და ვადამდელი არჩევნების ჩატარების შესახებ.

პრეზიდენტის ადმინისტრაციის განცხადებაში ნათქვამია, რომ ტოყაევმა ყაზახეთში ივნისში ჩატარებული საკონსტიტუციო რეფერენდუმით უფრო სამართლიან და კონკურენტუნარიან მმართველობის სისტემაზე გადასვლის პროცესი დაიწყო.

პრეზიდენტმა ტოყაევმა განაცხადა, რომ საპარლამენტო არჩევნებზე ამიერიდან შერეული სისტემა იქნება გამოყენებული და დაამატა: „პარლამენტის და ადგილობრივი მეჯლისების ფორმირების ეს ახალი მოდელი სრულად დაიცავს ამომრჩეველთა ინტერესებს როგორც ეროვნულ, ისე რეგიონულ დონეზე და უზრუნველყოფს შეხედულებების ფართო სპექტრს ხელისუფლების წარმომადგენლობით ორგანოებში“.

მან ასევე აღნიშნა, რომ საკონსტიტუციო რეფერენდუმის ფარგლებში ახალი პოლიტიკური პარტიების შექმნის პროცესი გამარტივდა, პოლიტიკური პარტიების პარლამენტში შესვლის ბარიერი 7 პროცენტიდან 5 პროცენტამდე შემცირდა და ყველა ეს ინსტიტუციური ცვლილება გააძლიერებს პოლიტიკურ კონკურენციას და გზა გაუხსნას ახალ პოლიტიკოსებს.