ბრაზილიაში ყოფილი პრეზიდენტის მხარდამჭერები სამთავრობო შენობებში შეიჭრნენ

ბრაზილიაში, ეროვნული კონგრესისა და პრეზიდენტის სასახლეში გუშინწინ შეჭრილი ყოფილი პრეზიდენტის ჟაირ ბოლსონაროს მხარდამჭერების გამოყვანით კონტროლი მიღწეული იქნა.

ბოლსონაროს ასობით მხარდამჭერი, რომლებიც შეიჭრნენ პრეზიდენტის სასახლეში, კონგრესისა და უზენაესი სასამართლოს შენობებში, გაზის ინტენსიური გამოყენების შედეგად იქნა შენობებიდან გამოყვანილი.

უსაფრთხოების ძალებმა შენობებზე სრული კონტროლი მოიპოვეს.

პრეზიდენტ ლუის ინასიო ლულა და სილვას, აღნიშნულ შენობებში შეჭრილი დემონსტრანტების წინააღმდეგ ჩარევის ბრძანების შემდეგ, 150 დემონსტრანტი იქნა დაკავებული.

ლულამ ხაზგასმით აღნიშნა, რომ პრეზიდენტის სასახლის, უზენაესი სასამართლოს და კონგრესის დაკავება წახალისეული იყო და დაამატა: "ვინც ეს გააკეთა კანონის ძალით დაისჯება. სანამ ჯერ კიდევ იქმნებოდა მთავრობა, ისარგებლეს კვირას დუმილით. ცნობილია, რომ წინა პრეზიდენტის (ბოლსონაროს) რამდენიმე გამოსვლამ ეს გამოიწვია. ეს არის მისი და მისი მხარდამჭერების პასუხისმგებლობა“.

ჯგუფები, რომლებიც ყვიროდნენ ლოზუნგებს ჯარის ჩარევის მოთხოვნით, კონგრესის შენობაში პოლიციის ბარიერის გადალახვით შეიჭრნენ.

პოლიციამ, რომელმაც გამოიყენა ცრემლსადენი გაზი რადიკალური მემარჯვენე ბოლსონაროს მომხრე მომიტინგეების დასაშლელად, მოგვიანებით ვერ შეუშალა ხელი დაჯგუფებების შეღწევას პრეზიდენტისა და უზენაესი სასამართლოს შენობებში.

სამხრეთ ამერიკის უდიდეს ქვეყანა ბრაზილიაში, რომლის მოსახლეობა 212 მილიონზე მეტია, 30 ოქტომბერს გამართული საპრეზიდენტო არჩევნების მეორე ტურში მემარცხენე ლულამ, რომელიც ქვეყანას ორი ვადით მართავდა, 50,9 პროცენტი, ხოლო ულტრამემარჯვენე ბოლსონარომ 49,1 პროცენტი  მიიღო.

ლულა და სილვამ, რომელმაც მეორე ტურში გაიმარჯვა, პარლამენტში ფიცი 1 იანვარს დადო.