იტალიაში მეწყერის შედეგად 7 ადამიანი დაიღუპა

იტალიის კუნძულ ისკიაზე გუშინ მეწყერის შედეგად დაღუპული 7 ადამიანის ცხედარი იპოვეს

1911729
იტალიაში მეწყერის შედეგად 7 ადამიანი დაიღუპა

იტალიის კუნძულ ისკიაზე გუშინ მეწყერის შედეგად დაღუპული 7 ადამიანის ცხედარი იპოვეს.

კუნძულ ისკიას დაბა ქაზამიჩოლაში გუშინ მძლიერი წვიმების გამო მეწყერის ჩამოწოლის შემდეგ რეგიონში სახანძრო ბრიგადის და სამოქალაქო თავდაცვის ჯგუფების სამძებრო-სამაშველო სამუშაოები გრძელდება.

ნეაპოლის გუბერნატორმა კლაუდიო პალომბამ, რომელსაც ისკია ადმინისტრაციულად ექვემდებარება, პრესკონფერენცია გამართა და განაცხადა, რომ ამ დროისთვის ნაპოვნია 7 ცხედარი, 5 ადამიანი დაკარგულია, 230-მდე ადამიანს კი სახლების დატოვება მოუწია.

იტალიურ პრესაში გავრცელდა ინფორმაცია, რომ დაღუპულთა შორის ერთი 22 დღის ჩვილია.

ისკიაში მომხდარი კატასტროფის შემდეგ მალევე, ტრანსპორტისა და ინფრასტრუქტურის მინისტრმა მატეო სალვინიმ განაცხადა: „ჩვენ გვყავს რვა დაღუპული ისკიაში მეწყრის შედეგად“, თუმცა შინაგან საქმეთა მინისტრმა მატეო პიანტედოსიმ ეს არ დაადასტურა.


საკვანძო სიტყვები: #მეწყერი , #იტალია

მსგავსი ინფორმაციები