უკრაინაზე თავდასხმების შედეგად არიან დაიღუპულები და დაშავებულები

უკრაინაზე თავდასხმების შედეგად არიან დაიღუპულები და დაშავებულები.

პრეზიდენტმა ვოლოდიმირ ზელენსკიმ ზოგიერთ ქალაქში მომხდარი აფეთქებების შემდეგ განცხადება გააკეთა და აღნიშნა: "ომის 229-ე დღეს ცდილობენ ჩვენს განადგურებას, მიწის პირიდან აღგვა. დახოცეს ზაპოროჟიეში საკუთარ სახლებში მძინარენი და კიევში სამსახურებში მიმავალნი... სამწუხაროდ გვყავს დაღუპულები და დაჭრილები. გთხოვთ არ დატოვოთ ბუნკერები“.

კიევის მერმა ვიტალი კლიჩკომ ასევე განაცხადა, რომ ზედიზედ აფეთქებები მოხდა ქალაქის ცენტრში  მდებარე შევჩენკივსკის რაიონში.

კლიჩკომ Telegram-ით გაკეთებულ განცხადებაში აღნიშნა: "საფრთხე გრძელდება. დედაქალაქის ყველა მაცხოვრებელი თავშესაფრებში უნდა დარჩეს. კიევის ცენტრალური ქუჩები სამართალდამცავმა ორგანოებმა გადაკეტეს სატრანსპორტო მოძრაობისთვის, მიმდინარეობს სამაშველო სამუშაოები."