ფალსიფიცირებული ალკოჰოლის მოხმარების გამო დაღუპულთა რიცხვი იზრდება

ინდოეთის გუჯარათის შტატში ფალსიფიცირებული ალკოჰოლის მოხმარების გამო დაღუპულთა რიცხვი 39-მდე გაიზარდა.

შტატების ოფიციალურმა პირებმა განაცხადეს, რომ სიკვდილის გამომწვევი ფალსიფიცირებული სასმელი 98,71 პროცენტ მეთილის სპირტს შეიცავდა. მათივე ინფორმაციით, ფალსიფიცირებული ალკოჰოლით მოწამლული 88 ადამიანი სტაციონარში გადის მკურნალობას.

ფაქტთან დაკავშირებით ამ დროისათვის 9 ადამიანი იქნა დაკავებული.

ცნობისათვის, 1960 წლიდან გუჯარათის შტატში ალკოჰოლის გაყიდვა და მოხმარება აკრძალულია.