ვინ გახდება დიდი ბრიტანეთის პრემიერ-მინისტრი?

დიდი ბრიტანეთის უკვე ყოფილი პრემიერ-მინისტრის ბორის ჯონსონის ამ თანამდებობიდან გადადგომის შემდეგ, ამ პოსტზე 8 კანდიდატია ნომინირებული.

კანდიდატები დაასახელა კონსერვატიული პარტიის 1922 წლის კომიტეტმა, რომელიც არჩევნების ორგანიზებაზეა პასუხისმგებელი. ნომინირებულთა სიაში მოსახვედრად, კანდიდატს პარტიიდან სულ მცირე 20 დეპუტატის მხარდაჭერა უნდა მიეღო.

დიდი ბრიტანეთის ახალი  პრემიერ-მინისტრის ვინაობა 5 სექტემბერს გახდება ცნობილი.

შეგახსენებთ, რომ 7 ივლისს ბრიტანეთის პრემიერ-მინისტრმა ბორის ჯონსონმა კონსერვატიული პარტიის ლიდერის თანამდებობა დატოვა. ჯონსონი პრემიერ-მინისტრის მოვალეობის შესრულებას განაგრძობს, ვიდრე კონსერვატიული პარტია ახალ ლიდერს არ აირჩევს.