ჩრდილოეთ კორეამ მორიგი ბალისტიკური რაკეტა გამოსცადა

გავრცელებული ინფორმაციით, ჩრდილოეთ კორეამ კიდევ ერთი ბალისტიკური რაკეტა გამოსცადა. სამხრეთკორეულ სააგენტო Yonhap-ის მხრიდან, გაერთიანებული შტაბის წარმომადგენლობაზე დაყრდნობით გავრცელებული ინფორმაციის თანახმად, ჩრდილოეთ კორეამ კიდევ ერთი ბალისტიკური რაკეტის გამოცდა ჩაატარა. ამავე ინფორმაციით, ცდების პროცესი იაპონიის ზღვის მიმართულებით, ადგილობრივი დროით 12:03 საათზე, სუნანის რეგიონიდან ფხენიანის მახლობლად ჩატარდა.

მეორეს მხრივ, სააგენტო NHK, იაპონიის თავდაცვის სამინისტროზე დაყრდნობით იუწყება, რომ რაკეტა იაპონიის ეროვნულ ექსკლუზიურ ზონის გარეთ ჩამოვარდა.

იაპონიის პრემიერ-მინისტრმა ფუმიო კიშიდამ შესაბამისი უწყებებიდან რეგიონში მყოფ გემებისა და თვითმფრინავების მდგომარეობის შესახებ ინფორმაციის მიწოდება მოითხოვა.

ცნობისათვის, ჩრდილოეთ კორეამ 2022 წლის დასაწყისიდან დღემდე მე-14 ბალისტიკური რაკეტა გამოსცადა.