სტოლტენბერგი ერდოღანს მადლობას უხდის

ნატოს გენერალურმა მდივანმა იენს სტოლტენბერგმა, პრეზიდენტ რეჯეფ თაიფ ერდოღანს, რუსეთ-უკრაინის კრიზისის პოლიტიკური გზით გადაჭრის მიზნით მხარდაჭერისთვის და პირადი ინიციატივებისთვის მადლობა გადაუხადა. სტოლტენბერგმა სოციალურ ქსელში გავრცელებულ განცხადებაში აღნიშნა, რომ სატელეფონო საუბარი ჰქონდა პრეზიდენტ ერდოღანთან. მისივე განცხადებით, სატელეფონო საუბრის დროს, რუსეთ-უკრაინის საზღვარზე არსებული კრიზისი განიხილეს.

„პრეზიდენტ რეჯეფ თაიფ ერდოღანს, რუსეთ-უკრაინის კრიზისის პოლიტიკური გზით გადაჭრის მიზნით აქტიური მხარდაჭერისთვის და პირადი ძალისხმევისთვის მადლობა გადავუხადე,“ - აცხადებს იენს სტოლტენბერგი სოციალური ქსელის მეშვეობით გავრცელებულ განცხადებაში.  

ნატოს გენერალურმა მდივანმა კიდევ ერთხელ მტკიცედ აღნიშნა, რომ საკითხთან დაკავშირებით რუსეთთან დიალოგისთვის მზად არიან.