ინდოეთში არალეგალური მაღარო ჩამოინგრა

ინდოეთში, ჯარხანდის შტატში  არალეგალურ მაღაროში მომხდარი ჩამონგრევის შედეგად 5 ადამიანი დაიღუპა. შტატების პოლიციის წარმომადგენელმა სანჯიევ კუმარმა განაცხადა, რომ ქვეყნის აღმოსავლეთით, ჯარხანდის შტატში მდებარე მაღარო ჩამოინგრა.

კუმარმა განაცხადა, რომ ნგრევის დროს ქვანახშირის მაღაროში არალეგალი მუშები იმყოფებოდნენ.

სამშენებლო ტექნიკით ჩატარებული სამძებრო-სამაშველო სამუშაოების დროს 5 ადამიანის ცხედარი იქნა ამოყვანილი, რომელთაგან 4 ქალია. სამძებრო-სამაშველო სამუშაოები გრძელდება.