ფლორიდის სანაპიროსთან ნავი ჩაიძირა

ამერიკის შეერთებულ შტატებში, ფლორიდის სანაპიროსთან ნავის გადაბრუნების შედეგად 39 ადამიანი გაუჩინარდა.

აშშ-ს სანაპირო დაცვის სამსახურის მიერ გავრცელებულ განცხადებაში აღინიშნა, რომ მათ, ფორტ პირსის ინლეტიდან აღმოსავლეთით დაახლოებით 72 კილომეტრში ერთი მამაკაცი გადაარჩინეს, რომელიც ამობრუნებულ ნავზე იყო ჩაბღაუჭებული. ამავე განცხადებაში აღნიშნულია, რომ გადარჩენილი პირის თქმით, ნავის გადაბრუნების დროს, ზედ კიდევ 39 ადამიანი იმყოფებოდა და სამაშველო ჟილეტი არავის ჰქონდა. სანაპირო დაცვა ეჭვობს, რომ ინციდენტი დაკავშირებული იყო ადამიანებით ვაჭრობასთან. რეგიონში სამძებრო-სამაშველო სამუშაოები უკვე დაწყებულია.