მალაიზიაში წყალდიდობის შედეგად დაღუპულთა რიცხვი გაიზარდა

მალაიზიაში ძლიერი წვიმის შედეგად გამოწვეული წყალდიდობის შედეგად დაღუპულთა რიცხვი ბოლო მონაცემებით 47-მდე გაიზარდა. სააგენტო ANI-ის (Asian News International) მიერ გავრცელებული ინფორმაციით, მალაიზიაში 17 დეკემბრიდან 3 დღის განმავლობაში მძვინვარე ძლიერი წვიმების შედეგად დაღუპულთა რიცხვი 47-მდე გაიზარდა, ხოლო 5 ადამიანი ჯერ კიდევ დაკარგულად ითვლება. ამავე ინფორმაციით, წყალდიდობის შედეგად მხოლოდ პაჰანგის პროვინციაში დაახლოებით 33 000 ადამიანის ევაკუაცია განხორციელდა. საზოგადოება კი მთავრობას წვიმების წინ, შესაბამისი გაუფრთხილებლობის გამო აკრიტიკებს.