იაპონიის ზღვაში სატრანსპორტო გემი ჩაიძირა

იაპონიის ზღვაში სატრანსპორტო გემის ჩაძირვის შედეგად ეკიპაჟის 17 წევრი გადაარჩინეს, ერთ ადამიანს ეძებენ. პანამის დროშის ქვეშ მცურავმა სატვირთო გემმა „Houei Crystal“-მა დასავლეთ იაპონიაში, სიმანეს პრეფექტურის სანაპიროზე საგანგებო სიგნალი გასცა. სიგნალის მიღების შემდეგ რეგიონში დაუყონებლივ გაგზავნეს იაპონიის სანაპირო დაცვის ფრეგატები. ადგილზე მისულმა ფრეგატებმა აღმოაჩინეს, რომ სატრანსპორტო გემი ოკინოშიმას კუნძულიდან ჩრდილო-აღმოსავლეთით 380 კილომეტრში ჩაიძირა. გავრცელებული ინფორმაციით, ჩაძირულ გემს 8 ათასი ტონა ნახშირი გადაჰქონდა რუსეთის ნახოდკას პორტიდან, იაპონიის კინურას პორტში.

აღინიშნა, რომ გემის ეკიპაჟის ყველა წევრი ვიეტნამელი იყო.