ძლიერი მიწისძვრა იაპონიაში

იაპონიის აღმოსავლეთით, იბარაკის პრეფექტურის სანაპიროზე 6 მაგნიტუდის სიმძლავრის მიწისძვრა მოხდა.

იაპონიის მეტეოროლოგიური სააგენტოს (JMA) თანახმად, მიწისძვრა იბარაკის პრეფექტურასთან, წყნარი ოკეანის სანაპიროზე ტოკიოს ჩრდილო-აღმოსავლეთით, ადგილობრივი დროით 05:33 საათზე, 40 კილომეტრის სიღრმეზე დაფიქსირდა.

სააგენტოს, 6 მაგნიტუდის სიმძლავრის მიწისძვრის შემდეგ ცუნამის გაფრთხილება არ გაუვრცელებია.