ეკლესიის ჩამონგრევას მსხვერპლი მოჰყვა

დასავლეთ აფრიკის სახელმწიფო განაში, 6 სართულიანი ეკლესიის დანგრევის შედეგად თვრამეტი ადამიანი დაიღუპა. კატასტროფებისა და მართვის ეროვნული ორგანიზაციის (NADMO) აღმოსავლეთის პროვინციის დირექტორმა რიჩარდ ამო იართიმ განაცხადა, რომ ქვეყნის აღმოსავლეთში მდებარე მანსო აკროსოს რაიონში 6 სართულიანი ეკლესია ჩამოინგრა და ნანგრევებ ქვეშ 18 ადამიანის ცხედარს მიაგნეს, ხოლო  8 ადამიანი კი ცოცხლად გამოიყვანეს. მისივე თქმით, NADMO-ს ჯგუფები აგრძელებენ ძიებას და სამაშველო მცდელობებს, რადგან, სავარაუდოდ ეკლესიის ჩამონგრევის დროს შიგნით 60-ზე მეტი კაცი იმყოფებოდა და ამიტომ დაღუპულთა რაოდენობა შეიძლება უფრო მეტად გაიზარდოს