ბურუნდის პრეზიდენტი გარდაიცვალა

ბურუნდის პრეზიდენტი პიერ ნკურუნზიზა 55 წლის ასაკში გულის შეტევით გარდაიცვალა. მთავრობის სასახლიდან გავრცელებული ინფორმაციით, პრეზიდენტმა გასული კვირის შაბათ დღეს, ფრენბურთის თამაშის შემდეგ თავი შეუძლოდ იგრძნო რის გამოც საავადმყოფოში გადაიყვანეს. მაგრამ ყველა მცდელობის მიუხედავად მისი გადარჩენა ვერ მოხერხდა.

პიერ ნკურუნზიზა ქვეყანას 2005 წლიდან  მართავდა. ის მიმდინარე წლის აგვისტოში გადადგომას აპირებდა.

პიერ ნკურუნზიზა გარდაცვალების გამო ქვეყანაში 7 დღიანი გლოვა გამოცხადდა და ამ ხნის განმავლობაში დროშები ნახევრად დაშვებული იქნება.