შეიარაღებული თავდასხმა რელიგიურ კომპლექსზე

ავღანეთის დედაქალაქ ქაბულში, სიქჰების რელიგიურ კომპლექსზე შეიარაღებული თავდასხმა განხორციელდა.  ავღანეთის შინაგან საქმეთა სამინისტროდან გავრცელებული ინფორმაციით, ქაბულის შორბაზარის ცენტრალურ რაიონში მდებარე სიქჰების რელიგიურ კომპლექსში  შეიარაღებული პირები დილის საათებში შეიჭრნენ რა დროსაც შიგნით  დაახლოებით 150 ადამიანი იმყოფებოდა. მათივე განცხადებით,  თავდამსხმელები ოთხი პირი იყვნენ. მომხდარზე პასუხისმგებლობა ჯერ-ჯერობით  არავის აუღია.