ბრაზილიაში წყალდიდობას ათეულობით ადამიანის მსხვერპლი მოჰყვა

ბრაზილიის სამხრეთ-აღმოსავლეთ ნაწილში, სან-პაულოსა და რიო-დე-ჟანეიროში, ძლიერი წვიმის შედეგად წარმოქმნილი წყალდიდობის გამო ბოლო ორი დღის განმავლობაში სულ მცირე 23 ადამიანი დაიღუპა. ადგილობრივ მედიაში გავრცელებული ინფორმაციით, ასევე მრავალი ადამიანი ჯერ კიდევ დაკარგულად არის მიჩნეული. რეგიონებში სამძებრო-სამაშველო სამუშაოები ამ დრომდე გრძელდება.