კორონავირუსით გარდაცვლილთა რაოდენობამ 2100-ს გადააჭარბა

ჩინეთში ქალაქ, უხანიდან გავრცელებული ახალი კორონავირუსით (2019-nCoV) ბოლო 24 საათის განმავლობაში კიდევ 114 ადამიანი დაიღუპა. გარდაცვლილთა საერთო რაოდენობამ კი 2120-ს მიაღწია. ინფორმაციას ამის შესახებ ჩინეთის ჯანდაცვის ეროვნული კომიტეტი ავრცელებს. უწყების ცნობით, დადასტურებული შემთხვევების მთლიანი რაოდენობა   ამ დროისათვის  74 576-მდე გაიზარდა, რომელთაგან 11 864-ის მდგომარეობა მძიმეა. შეგახსენებთ, რომ ჯანდაცვის მსოფლიო ორგანიზაციამ 30 იანვარს კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება პირველად გასული  წლის 12 დეკემბერს დაიწყო.