ავღანელმა პოლიციელმა ნატოს ჯარისკაცებს ცეცხლი გაუხსნა

ავღანეთის სამხრეთით მდებარე ყანდაჰარის პროვინციაში, ნატო-ს ჯარებზე თავდასხმის შედეგადა 3 ჯარისკაცი დაიჭრა. ავღანეთში ნატოს ჯარების სარდლობის მიერ გავრცელებულ  განცხადებაში ნათქვამია, რომ ყანდაჰარის აეროპორტში მომსახურე ერთმა პოლიციელმა, ნატო-ს ჯარისკაცებზე შეიარაღებული თავდასხმა განახორციელა და დაჭრა 3 ჯარისკაცი, თუმცა, დაჭრილი ჯარისკაცების სადაურობისა და ვინაობის შესახებ არაფერია ნათქვამი. ამავე განცხადებით, თავდამსხმელი ლიკვიდირებულ იქნა. თალიბებმა კი პასუხისმგებლობა აიღეს რა ამ თავდასხმაზე, განაცხადეს, რომ ინციდენტში  12 ამერიკელი ჯარისკაცი მოკლეს.