„დორიანი“ ბაჰამის კუნძულებს დაატყდა თავს

ამერიკის შეერთებული შტატების სამხრეთ-აღმოსავლეთში მძვინვარე ქარიშხალი „დორიანი“, რომელიც უკვე მეხუთე კატეგორიაზე ავიდა,  ბაჰამის კუნძულებს დაატყდა თავს. აღნიშნულის შესახებ ინფორმაციას, აშშ-ის ქარიშხლების ეროვნულ ცენტრი ავრცელებს. მათივე განცხადებით, მეხუთე კატეგორიის ქარიშხალმა რომლის სიჩქარეც  295 კმ/სთ-ია, ბაჰამის კუნძულებზე დამტყდარი ყველაზე ძლიერი ქარიშხალია. ქარიშხალმა „დორიანმა“ ბაჰამის კუნძულებზე სახლებს სახურავები ახადა და წყალდიდობა გამოიწვია. ამ დროისათვის მსხვერპლთან დაკავშირებით არანაირი ინფორმაცია არ გავრცელებულა.