როდის გახდება „საუკუნის შეთანხმების“ გეგმა ცნობილი?

ამერიკის შეერთებული შტატების პრეზიდენტის დონალდ ტრამპის მიერ ისრაელ-პალესტინის საკითხთან დაკავშირებით „იპოვნეთ გამოსავალი“ სახელწოდების ე.წ. „საუკუნის შეთანხმების“ გეგმა თუ როდის გასაჯაროვდება, მიმდინარე თვის ბოლოს გახდება ცნობილი. ისრაელის ტელეარხ 13-ის მიერ ისრაელის და ამერიკის მაღალჩინოსნებზე დაყრდნობით გავრცელებული ინფორმაციით, ტრამპი ე.წ. „საუკუნის შეთანხმების“ გეგმას ისრაელში 17 სექტემბერს ჩასატარებელი არჩევნების წინ თუ მას შემდეგ გაასაჯაროებს, მიმდინარე თვის ბოლოს გახდება ცნობილი. ტელეარხ 13-ტან  ინტერვიუს მიმცემი ამერიკელი მაღალჩინოსნის განცხადებით, რომლის ვინაობაც არ სახელდება, საუკუნის შეთანხმებასთან დაკავშირებით ამჟამად რაიმე სახის სამიტი არ არის დაგეგმილი. შეგახსენებთ, რომ  ტრამპის სიძე და მრჩეველი ჯერარდ კუშნერი, ისრაელ-პალესტინის საკითხთან დაკავშირებით ახლო აღმოსავლეთის ტურნეში იმყოფება, რომლის ფარგლებში იგი უკვე იმყოფებოდა იორდანიაში. ამჟამად ისრაელში მყოფი კუშნერი მაროკოს, ეგვიპტეს, საუდის არაბეთს და გაერთიანებულ არაბულ საემიროებს ეწვევა.