ელისაბედ მეორემ ბორის ჯონსონს მთავრობის ჩამოყალიბების მანდატი მისცა

გაერთიანებული სამეფოს  დედოფალმა ელისაბედ მეორემ მთავრობის ჩამოყალიბების მანდატი ბორის ჯონსონს მისცა. ბორის ჯონსონი გაერთიანებული სამეფოს პრემიერმინისტრის მოვალეობის შესრულებას ოფიციალურად შეუდგა. მანამდე კი იგი  ბუკინგემის სასახლეში იმყოფებოდა, სადაც დედოფალმა, ელისაბედ მეორემ, ახალი მთავრობის  ფორმირება დაავალა. მას შემდეგ კი ჯონსონმა განაცხადა, რომ ინგლისი ევროკავშირს 31 ოქტომბერს შეთანხმების ან კიდევ შეუთანხმებლობის საფუძველზე მაინც დატოვებს. მეორეს მხრივ ბუკინგემის სასახლის წინ ერთმა ჯგუფმა ჯონსონის საწინააღმდეგო აქცია გამართა.