ავსტრიაში ბარებსა და რესტორნებში სიგარეტის მოწევა იკრძალება

ავსტრიის პარლამენტმა ბარებსა და რესტორნებში თამბაქოს მოწევის აკრძალვის გადაწყვეტილება მიიღო. ავსტრიის საკანონმდებლო ორგანომ კანონი რამდენიმეწლიანი განხილვების შემდეგ მიიღო. აღნიშნულ გადაწყვეტილებას პარლამენტში მყოფი ხუთი პარტიიდან ოთხმა დაუჭირა მხარი. ერთადერთი პარტია, რომელიც აკრძალვის წინააღმდეგ გამოვიდა, ავსტრიის ეროვნული პარტია იყო.  კანონი ძალაში მიმდინარე წლის 1  ნოემბერს შევა და ის ჩილიმსა და ელექტრო სიგარეტებზეც გავრცელდება. ჯანდაცვის მინისტრმა დეპუტატებს კანონის მხარდაჭერისთვის მადლობა გადაუხადა.