გაიყვანს თუ არა ამერიკა ავღანეთიდან ჯარებს?

ამერიკის შეერთებული შტატების პრეზიდენტმა დონალდ ტრამპმა განაცხადა, რომ ამერიკელი სამხედროების ავღანეთის დატოვების საკითხთან დაკავშირებით შეშფოთებულია. ტრამპმა საკითხთან დაკავშირებით ამერიკულ ტელეარხ Fox News-თან ინტერვიუს დროს ისაუბრა და დასძინა: „ჩვენი სამხედროების გამოწვევა მსურს მაგრამ, სანამ გამოვიწვევთ იქ ძალიან ეფექტური  დაზვერვა უნდა დავტოვოთ. იქ ძალიან ბევრი დასამალი ადგილია. შეიძლება ითქვას, რომ ტერორისტებისთვის ერთგვარი ლაბორატორიაა. მე ამ ადგილს,  ტერორისტების ჰარვარდს ვუწოდებ. ამიტომ,  სანამ ავღანეთიდან ჯარებს გამოვიყვანთ, ძლიერი დაზვერვა უნდა დავტოვოთ, რადგან ამერიკელ სამხედროებზე თავდასხმისათვის ხელსაყრელ მომენტს ეძებენ. ავღანეთში მოქმედი ტერ ორგანიზაციები როგორც ამ ქვეყნისათვის ასევე მეზობელი რეგიონებისათვის სერიოზულ საფრთხეს წარმოადგენენ.“