ჩინეთის პრეზიდენტი  2005 წლის შემდეგ პირველად ჩავიდა ჩრდილოეთ კორეაში

ჩინეთის პრეზიდენტი სი ძინპინი ოფიციალური ვიზიტით ჩრდილოეთ კორეაში ჩავიდა.  სი ძინპინი ჩრდილოეთ კორეაში კიმ ჩენ ინს შეხვდება.  2005 წლის შემდეგ  ეს ჩინეთის პრეზიდენტის  პირველი სახელმწიფო ვიზიტი გახლავთ  ჩრდილოეთ კორეაში. ორ დღიანი ვიზიტის ფარგლებში ლიდერები ქვეყნებს შორის ბოლო დროს ურთიერთობის მცირედი დაძაბვის საკითხის გამოსწორებას განიხილავენ.  ჩინური მედიის ინფორმაციით სი ძინპინს,  ამ  ვიზიტის ფარგლებში ქვეყნის საგარეო, განვითარებისა და რეფორმების  და სხვა  მინისტრები ახლავს. ორ ქვეყანას შორის ურთიერთობები,  ჩინეთის მხრიდან გაეროს მიერ ჩრდილოეთ კორეის მიმართ  ბირთვული იარაღის საკითხთან დაკავშირებით დაწესებული სანქციების მხარდაჭერის დროს დაიძაბა.