პუტინი ტრამპთან შესახვედრად მზად არის

G20-ის სამიტი მიმდინარე წლის  28-29 ივნისს იაპონიის ქალაქ ოსაკა-ში გაიმართება

1202372
პუტინი ტრამპთან შესახვედრად მზად არის

რუსეთის პრეზიდენტმა ვლადიმერ პუტინმა განაცხადა, რომ აშშ-ს პრეზიდენტ დონალდ ტრამპთან იაპონიის  ქალაქ ოსაკა-ში გასამართ,  G20-ის სამიტის ფარგლებში შესახვედრად მზადაა. პუტინმა სოჭში ტრამპის განცხადება იმის თაობაზე, რომ პუტინთან შეხვედრისთვის მზად არის, ასე შეაფასა: „თუ აშშ-ს მხარე მზად არის ამგვარი კონტაქტების დასამყარებლად, მე  რამდენჯერმე ვთქვი, რომ მზად ვართ, მოლაპარაკებები ყველგან, მათ შორის ვენაში გავმართოთ. მსგავსი შეხვედრის ყველაზე უახლოესი თარიღი კი იაპონიაში გასამართი G20-ის სამიტი გახლავთ.“  შეგახსენებთ, რომ G20-ის სამიტი მიმდინარე წლის  28-29 ივნისს იაპონიაში გაიმართება. იაპონია აღნიშნულ სამიტის პირველად მასპინძლობს. აშშ-ს პრეზიდენტმა მიმდინარე კვირის დასაწყისში განაცხადა, რომ G20-ის სამიტის ფარგლებში  რუსეთის პრეზიდენტ,  ვლადიმერ პუტინს და ჩინეთის პრეზიდენტ, სი ძინპინთან შეხვედრა სურს.



მსგავსი ინფორმაციები