ბურკინა-ფასოში კათოლიკურ ეკლესიაზე თავდასხმის შედეგად 7 ადამიანი დაიღუპა
ბურკინა-ფასოში ერთ-ერთ კათოლიკურ ეკლესიაზე განხორციელებული თავდასხმის შედეგად 7 ადამიანი დაიღუპა
ბურკინა-ფასოში ერთ-ერთ კათოლიკურ ეკლესიაზე განხორციელებული თავდასხმის შედეგად 7 ადამიანი დაიღუპა.
ადგილობრივი პრესის ცნობით, პროვინცია სანმატენგას დაბა დაბლოში შეიარაღებული პირები კათოლიკურ ეკლესიაში კვირის წირვის დროის შეიჭრნენ.
თავდამსხმელებმა მრევლს ცეცხლი გაუხსნეს, რის შედეგადაც 7 ადამიანი დაიღუპა.
ქვეყნის ჩრდილოეთში მდებარე პროვინცია სოუმის დაბა სილგადიში 28 აპრილს პროტესტანტების ეკლესიაზეც მოხდა თავდასხმა, რასაც 5 ადამიანი ემსხვერპლა.
ბურკინა-ფასოში ტერორისტული აქტების მოწყობა 2015 წლიდან დაიწყო. თავდაპირველად ქვეყნის ჩრდილოეთსა და საჰელის რეგიონებში დაიწყო ტერაქტების ინტენსიურად მოწყობა, შემდეგ კი დასავლეთისკენ და ცენტრალური ნაწილებისკენ გადაინაცვლა.
ოფიციალური მონაცემებით ბოლო 4 წელიწადში ტერაქტების შედეგად 400-მდე ადამიანი დაიღუპა.
ქვეყნის 13 რეგიონიდან შვიდში 1 იანვრიდან საგანგებო მდგომარეობაა გამოცხადებული.