რუსეთიც ტოვებს INF-ს ხელშეკრულებას

რუსეთის პრეზიდენტმა ვლადიმერ პუტინმა განაცხადა, რომ აშშ-სთან გაფორმებულ საშუალო და ახლო მანძილის რაკეტების ლიკვიდაციის შეთანხმებას (INF) ტოვებენ. პუტინმა,  აშშ-ს მიერ მცირე და საშუალო მანძილზე მოქმედი რაკეტების  შეთანხმების დატოვების შესახებ გაკეთებული განცხადების შემდეგ ქვეყნის თავდაცვის მინისტრ,  სერგეი  შოიგუს შეხვდა. შეხვედრაზე,  აშშ-ს მხრიდან INF-ს ხელშეკრულების დატოვების გადაწყვეტილება იქნა განხილული, რომლის დასრულების შემდეგაც, პუტინმა განაცხადა, რომ ამ საკითხთან დაკავშირებით აშშ-სთვის მათი პასუხიც სიმეტრიული იქნება. აშშ-ის საგარეო საქმეთა მინისტრმა მაიკ პომპეომ,   მოკლე და საშუალო მანძილის რაკეტების შესახებ შეთანხმებიდან გასვლის თაობაზე გუშინ განაცხადა. აღნიშნული ხელშეკრულება,  აშშ-სა და საბჭოთა კავშირს შორის 1987 წელს გაფორმდა, რომელიც  საშუალო და მოკლე მანძილის რაკეტების კონტროლს ისახავს მიზნად.