ბრაზილიაში ძლიერი ხანძრის შედეგად ასობით სახლი დაიწვა

ბრაზილიაში ქალაქ  მანაუსში  დაბალი შემოსავლის მქონე ადამიანებით დასახლებულ უბანში ღამის საათებში გაჩენილი ხანძრის შედეგად წინასწარი მონაცემებით, ოთხი ადამიანი დაშავდა. სამოქალაქო თავდაცვის წარმომადგენლების მიერ გავრცელებული ინფორმაციის მიხედვით, ხანძრის შედეგად 600-ზე მეტი სახლი დაიწვა. ხელისუფლების წარმომადგენლების განცხადებით კი ხანძრის მიზეზი ჯერ-ჯერობით უცნობია. მიმდინარეობს გამოძიება. ხანძარს მსხვერპლი არ მოჰყოლია.