საფრანგეთი ემზადება დაუპირისპირდეს მის კოლონიურ წარსულს
საფრანგეთი 300 წელი აგრძელებდა აფრიკის კოლონიალიზმს
საფრანგეთის პრეზიდენტმა ემანუელ მაკრონმა ევროპული და აფრიკული ქვეყნები დედაქალაქ, პარიზში მოიწვია, რათა დაადგინონ ხელოვნების ნამუშევრებთან დაკავშირებული გაცვლითი პოლიტიკა. აღნიშნული საკითხი, ორი წლის წინ, ბენინის რესპუბლიკის პრეზიდენტის პატრის ტალონის მიერ მათი ქვეყნის ხელოვნების ნამუშევრების უკან დაბრუნების მოთხოვნის შემდეგ დადგა დღის წესრიგში. მაკრონმა, ბენინის თხოვნას ზუსტად ორი წლის შემდეგ უპასუხა და განაცხადა, რომ კოლონიალიზმის პერიოდში ბენინიდან, საფრანგეთში ჩატანილ 26 ხელოვნების ნამუშევარს უკან დაუბრუნებდა. თუმცა, ხელოვნების ისტორიკოსების აზრით, საფრანგეთში ბენინის დაახლოებით 6 ათასი ნამუშევარია. საფრანგეთმა, 1524 წელს დაწყებული კოლონიალიზმის პოლიტიკით, აფრიკაში მთლიანობაში 20-ზე მეტი ქვეყანა მოიქცია თავისი ზეგავლენის ქვეშ. აფრიკის 30%, 300 წლის განმავლობაში იყო საფრანგეთის კოლონიალიზმის ქვეშ.