კალიფორნიაში ხანძარზე კონტროლის დამყარება ისევ ვერ ხერხდება

ამერიკის კალიფორნიის შტატში ხანძრის გამო, რომელსაც 5 ადამიანი ემსხვერპლა, საცხოვრებელი სახლებიდან ევაკუირებული ადამიანების რაოდენობამ 50 ათასს მიაღწია.

კალიფორნიის მეტყევეობისა და სახანძრო დაცვის სამსახურის პრესსპიკერის, ლინ ტოლმაჩოფის განცხადებით, 17 რეგიონში მძვინვარე ხანძრების ჩაქრობაში 12 ათასი მეხანძრე იღებს მონაწილეობას. ადგილობრივი წყაროების ცნობით, გასულ კვირაში გაჩენილი ხანძრის გამო, რომელზეც კონტროლის დამყარება ისევ ვერ ხერხდება, 6 ადამიანი დაკარგულია.

აშშ-ს პრეზიდენტმა, დონალდ ტრამპმა, გუშინ გაკეთებულ განცხადებაში აღნიშნა, რომ კალიფორნიის შტატში საგანგებო მდგომარეობა გამოცხადდა.