ლავროვი შუქრის ტელეფონით ესაუბრა

რუსეთის საგარეო საქმეთა მინისტრი სერგეი ლავროვი თავის ეგვიპტელ კოლეგა,  სამიჰ შუქრის ტელეფონით ესაუბრა. რუსეთის საგარეო საქმეთა სამინისტროდან საკითხთან დაკავშირებით გავრცელებულ განცხადებაში ნათქვამია, რომ ორი ქვეყნის საგარეო საქმეთა მინისტრმა სატელეფონო საუბრის დროს, სირიაში და ისრაელს-პალესტინას შორის ბოლო დროს განვითარებული მოვლენები განიხილეს. სატელეფონო საუბრის დროს მინისტრებმა ასევე,  გერმანიის ქალაქ მიუნხენში გასამართ, უსაფრთხოების საერთაშორისო კონფერენციაზე, რომელიც 16-18 თებერვალს გაიმართება,   პირისპირ შეხვედრაზეც შეთანხმდნენ.