ჩინეთი აღმოსავლეთ იერუსალიმის პალესტინის დედაქალაქად გამოცხადებას მიესალმება

ჩინეთის საგარეო საქმეთა სამინისტროს პრესსპიკერმა, ლუ კანგიმ დედაქალაქ, პეკინში გამართული პრესკონფერენციის დროს აღნიშნა, რომ ჩინეთი, ისლამური თანამშრომლობის ორგანიზაციის მიერ აღმოსავლეთ იერუსალიმის პალესტინის დედაქალაქად აღიარებას მიესალმება. მისივე თქმით, ჩინეთი პალესტინას,  გაეროს მხრიდან 1967 წელს აღიარებული საზღვრების ფარგლებში ცნობს, რომლის დედაქალაქიც აღმოსავლეთ იერუსალიმი გახლავთ. კანგიმ ბოლოს ისიც დასძინა, რომ ისრაელ-პალესტინას შორის დაძაბულობა სამართლიანად და დროულად დასრულდება.