აშშ ჩრდილოეთ კორეას სამხედრო ინტერვენციით დაემუქრა

გაერო-ში აშშ-ის მუდმივმა წარმომადგენელმა, ნიკი ჰეილიმა განაცხადა. რომ ფხენიანის პრობლემის დიპლომატიურად მოგვარების საკითხი ამოწურა. მან ამის შესახებ ტელეკომპანია CNN-თან ინტერვიუს დროს განაცხადა. „თუ ჩრდილოეთ კორეა  უგუნურად ბირთვული პროგრამის განხორციელებას გააგრძელებს, აშშ ვალდებულია თავისი მოკავშირეები დაიცვას. ამას კი ყველა გრძნობს მაგრამ, არავის არ სურს ომი,“ განაცხადა ჰეილიმ. მან ინტერვიუს დროს ასევე აღნიშნა, რომ ყველანაირ პარამეტრებს, მათ შორის სამხედრო ინტერვენციასაც განიხილავენ. ჩრდილოეთ კორეა, აშშ-ს პრეზიდენტის მუქარის მიუხედავად გუამის კუნძულის დაბომბვის მუქარას მაინც აგრძელებს.