აშშ წყალდიდობას და ტყის ხანძრებს ებრძვის

აშშ ერთის მხრივ წყალდიდობას, ხოლო მეორეს მხრივ ტყის ხანძრებს ებრძვის და ამ ბუნებრივ კატასტროფებს უკვე 16 ადამიანი ემსხვერპლა.

აქედან 14 კაცი ვირჯინიის შტატში, 7 საათიანი კოკისპირული წვიმის შედეგად წარმოქმნილ წყალდიდობას შეეწირა და მათ შორის ერთი 8 წლის ბავშვიც იყო.

ამ შტატის გუბერნატორის, ერლ რაი ტომბლინის განცხადებით ეს არის ბოლო 100 წლის ყველაზე უდიდესი ბუნებრივი კატასტროფა და 44 რაიონში საგანგებო მდგომარეობა გამოაცხადეს რა, რეგიონს 150-მდე ჯარისკაციც მიავლინეს.

მისივე თქმით წყალდიდობამ გაანადგურა გზები, ხიდები, ნაგებობები, სასოფლო-სამეურნეო სავარგულები და გოლფის მოედნები, ელექტროენერგიის გარეშე დარჩა ნახევარ მილიონამდე გაცი.

კალიფორნიაში დაწყებულ ტყის ხანძარს კი 2 კაცი ემსხვერპლა, დაიწვა 100-მდე სახლი.

მობილიზებული 600 მეხანძრიდან 3 კვამლისგან მოიწამლა და სასწრაფოებით გადაიყვანეს საავადმყოფოებში.

ხანძარი უკვე 8 ათას ჰექტარზეა მოდებული და ზოგიერთ რეგიონში განგაშის წითელი დონეა გამოცხადებული