ძლიერი მიწისძვრა ინდონეზიაში

ინდონეზიის სამხრეთ დასავლეთ ნაწილში 7,9 მაგნიტუდის სიმძლავრის მიწისძვრა მოხდა. აშშ-ს გეოლოგიური კვლევის ცენტრის ინფორმაციით კუნძულ სუმატრას დასავლეთით მდებარე ქალაქ პარდაგანში 808 კმ მოშორებით, ზღვაში, 10 კილომეტრ სიღრმეში 7,9 მაგნიტუდის სიმძლავრის მიწისძვრა მოხდა. მიწისძვრის შემდეგ სუმატრის ჩრდილო-დასავლეთ ნაწილში და აჩეში ცუნამის განგაში გამოცხადდა. ინდონეზიაში 2004 წელს კუნძულ სუმატრაზე მომხდარი 9,1 მაგნიტუდის სიმძლავრის მიწისძვრის შედეგად ინდოეთის ოკეანეში ცუნამი წარმოიშვა. ინდოეთის ოკეანის გასწვრივ მყოფ ხუთ ქვეყანაში კი მთლიანობაში 230 ათასზე მეტი ადამიანი დაიღუპა.