ძილი-ალცჰაიმერი

აღმოჩნდა, რომ ძილის REM (სწრაფი თვალის მოძრაობა) ფაზაში შესვლის სირთულე შეიძლება იყოს ალცჰაიმერის დაავადების ნიშანი.

Science Daily-ის ცნობით, მკვლევრები კლინიკაში დააკვირდნენ 128 ადამიანს, რომელთა საშუალო ასაკი იყო 70 წელი და რომელთა ნახევარსაც ადრე დაუდგინდა ალცჰაიმერის დიაგნოზი.

მკვლევრებმა გაზომეს მონაწილეთა ტვინის ტალღების აქტივობა, გულისცემის სიხშირე და სუნთქვის რიტმი.

მკვლევრებმა მონაწილეები გაანაწილეს 2 ჯგუფად REM ფაზაში (სიზმრების ხილვის ფაზა) შესვლის დროის მიხედვით. ისინი, ვინც ჩაძინების შემდეგ საშუალოდ 98 წუთზე ნაკლებ დროში მიაღწიეს REM ფაზას, დაასახელეს, როგორც „ადრეული“ ჯგუფი, ხოლო ისინი, ვისაც 193 წუთზე მეტი დასჭირდათ - როგორც „გვიანი“ ჯგუფი.

კვლევამ აჩვენა, რომ ადამიანებს, რომლებიც „გვიან“ აღწევენ ძილის REM ფაზას, უფრო მაღალი ალბათობით ჰქონდათ ადრე დიაგნოსტირებული ალცჰაიმერის დაავადება.

მკვლევრებმა მოუწოდეს ძილის აპნოეს მსგავსი დარღვევების მკურნალობისკენ და ალკოჰოლის ჭარბი მოხმარებისგან თავის შეკავებისკენ, ხაზგასმით აღნიშნეს ძილის REM ფაზის მნიშვნელობა.

კვლევის შედეგები გამოქვეყნდა ჟურნალში „Alzheimer's Association“.