SpaceX-ის Polaris Dawn მისიის ეკიპაჟი დედამიწაზე დაბრუნდა

SpaceX-ის Polaris Dawn მისიის გუნდმა, რომელშიც ამერიკელი მილიარდერი ბიზნესმენი ჯარედ აიზეკმენიც იმყოფებოდა, კაცობრიობის ისტორიაში პირველი ტურისტული კოსმოსური გასეირნების მისია დაასრულა და დედამიწაზე დაბრუნდა.

სოციალურ ქსელში გავრცელებული ინფორმაციის მიხედვით, 2002 წელს ილონ მასკის მიერ შექმნილი SpaceX-ის Dragon-ის კაფსულით Polaris Dawn-ის ეკიპაჟი მექსიკის ყურის წყლებში, დრაი თორთუგეს რეგიონის მახლობლად აშშ-ს ფლორიდის შტატში დაეშვა.

პირველი ტურისტული გასეირნების შემდგომ აიზეკმენმა განაცხადა, რომ „მისია შესრულებულია”.

ამგვარად, აიზეკმენთან ერთად SpaceX-ის ინჟინრების სარა გილისის, ანა მენონისა და პილოტ სკოტ პოტიტის 5 დღიანი მგზავრობა დასრულდა.

აიზეკმენი და გილისი 264-ე და 265-ე ადამიანები არიან, ვინც კოსმოსში გაისეირნა.

SpaceX-მა, Polaris Dawn-ის მისიის ფარგლებში 10 სექტემბერს კაცობრიობის ისტორიაში პირველი კერძო ტურისტული გასეირნებისთვის რაკეტა Falcon 9 გაუშვა.

მისიის ფარგლებში, 12 სექტემბერს ჯერ აიზეკმენმა, შემდგომ კი გილისმა, დრაკონის კაფსულიდან თოკის დახმარებით კოსმოსში გასეირნება დაასრულეს.

Polaris Dawn-ის მისიის გუნდმა, რომელიც სამეცნიერო ექსპერიმენტებსაც ატარებდა, რადიაციული სარტყელის გასწვრივ ორბიტაზე შესვლით დედამიწის უმაღლეს ორბიტას მიაღწია.