გასული თვე დღემდე დაფიქსირებული "ყველაზე ცხელი ივლისი" იყო

გასული თვე დღემდე დაფიქსირებული "ყველაზე ცხელი ივლისი" იყო.

ამერიკის შეერთებული შტატების ოკეანისა და ატმოსფეროს კვლევის ეროვნული სამმართველოს (NOAA) მიერ გაკეთებულ განცხადებაში ნათქვამია, რომ ივლისში გაზომილი გლობალური ზედაპირის საშუალო ტემპერატურა 1,21 გრადუსით აღემატებოდა მე-20 საუკუნის საშუალო მაჩვენებელს.

NOAA-ს 175-წლიანი გლობალური მონაცემების მიხედვით, ისტორიაში გასული თვე „ყველაზე ცხელი ივლისი“ და ასევე ზედიზედ ყველაზე მაღალი ტემპერატურის მქონე მე-14 თვე იყო.

განცხადებაში ასევე ნათქვამია, რომ აფრიკის, ევროპის და აზიის კონტინენტებზე ისტორიაში "ყველაზე ცხელი ივლისი", ჩრდილოეთ ამერიკაში კი "მეორე ყველაზე ცხელი ივლისი" იყო.

მეორეს მხრივ, იმავე თვეში გაზომილი ზღვის ზედაპირის ტემპერატურა დაფიქსირდა, როგორც "მეორე ყველაზე თბილი ივლისი".

გარემოსდაცვითი ინფორმაციის ეროვნული ცენტრის (NCEI) გლობალური წლიური ტემპერატურის რეიტინგის შეფასებით, 77%-იანი შესაძლებლობაა იმისა, რომ 2024 წელი დღემდე დაფიქსირებული „ყველაზე ცხელი წელი“ იქნება, ხოლო 5 ყველაზე ცხელ წელს შორის მოხვედრის ალბათობა საბოლოოა.