გაერო: კლიმატის ცვლილების გამო მსოფლიომ განიცადა მინიმუმ 2,8 ტრილიონი დოლარის ზარალი

კლიმატის ცვლილების გამო 2000-2019 წლებში მსოფლიომ განიცადა მინიმუმ 2,8 ტრილიონი დოლარის ზარალი

2158496
გაერო: კლიმატის ცვლილების გამო მსოფლიომ განიცადა მინიმუმ 2,8 ტრილიონი დოლარის ზარალი

გაერთიანებული ერების ორგანიზაციის ადამიანის უფლებათა დაცვის უმაღლესმა კომისარმა ვოლკერ ტურკმა განაცხადა, რომ კლიმატის ცვლილების გამო 2000-2019 წლებში მსოფლიომ განიცადა მინიმუმ 2,8 ტრილიონი დოლარის ზარალი.

ვოლკერ ტურკი გაეროს ადამიანის უფლებათა საბჭოს 56-ე სესიის ფარგლებში სიტყვით გამოვიდა პანელის გახსნაზე სახელწოდებით „კლიმატის ცვლილების გავლენა ადამიანის უფლებებზე“.

ტურკმა აღნიშნა, რომ მყინვარები დნება, ოკეანეები თბება, ტყეები იწვის და მდინარეები და ტბები შრება კლიმატის ცვლილების გამო და  სამყაროს დიდი საფრთხე ემუქრება ადამიანის უფლებებისა და მომავლის თვალსაზრისით.

მისივე თქმით, არსებობს 80 პროცენტიანი შანსი იმისა, რომ გლობალური საშუალო წლიურმა ტემპერატურამ 5 წლის განმავლობაში 1,5 გრადუს ცელსიუსს გადააჭარბოს, წინა ინდუსტრიულ პერიოდთან შედარებით.

„ჩვენ ვიცით, რომ კლიმატის ცვლილების შედეგად დანაკარგები და ზიანი ყველაზე დაუცველ ადამიანებსა და განვითარებად ქვეყნებს აზიანებს, მიუხედავად იმისა, რომ ისინი ყველაზე ნაკლებად იწვევენ ამას“. - თქვა ტურკმა და დაამატა, რომ მილიონობით ადამიანმა დატოვა სახლები და იძულებით გადაადგილებული გახდა ქვეყნის შიგნით კლიმატის ცვლილების გამო.

ვოლკერ ტურკმა განაცხადა, რომ კლიმატის ცვლილება გავლენას მოახდენს ადამიანის უფლებებზე, სიცოცხლის უფლებაზე, საკვებისა და ჯანდაცვის უფლებებზე.

მან აღნიშნა, რომ დანაკარგები და ზარალი ასევე პირდაპირ გავლენას ახდენს მუშებსა და მათ უფლებებზე და რომ სიცხის გამო მუშების გარდაცვალების მესამედზე მეტი გამოწვეულია კლიმატის ცვლილებით.

უმაღლესმა კომისარმა ხაზგასმით თქვა, რომ კლიმატის ქაოსს უზარმაზარი ეკონომიკური საფასური აქვს. „ბოლო კვლევების შეფასებით, 2000-2019 წლებში კლიმატის ცვლილების გამო მსოფლიომ განიცადა მინიმუმ 2,8 ტრილიონი დოლარის ზარალი“. - თქვა ტურკმა.

მისივე თქმით, კლიმატის ცვლილებით უშუალოდ დაზარალებული პირებისა და საზოგადოებების საარსებო საშუალებების გაძლიერებაა საჭირო და რომ ამაზე ყველაზე მეტად პასუხისმგებელი ქვეყნები ვალდებულნი არიან უზრუნველყონ „კლიმატის დაფინანსება“ კლიმატთან დაკავშირებული დანაკარგებისა და ზიანის აღმოსაფხვრელად.


საკვანძო სიტყვები: #კლიმატური ცვლილებები , #გაერო

მსგავსი ინფორმაციები